ការិយាល័យមេធាវី ពិស្សុត & សហការី គឺជាការិយាល័យច្បាប់អនុវត្តច្បាប់ទូទៅក្នុងប្រទេសកម្ពុជា។
“ពិស្សុត” សំដៅ​លើ​ចំណេះ​ដឹងដ៏​រីកចម្រើន តំណាង​ឱ្យ​ភាព​ស្មោះ​ត្រង់ មាន​ការ​អប់រំ​ខ្ពស់ ភាព​រុងរឿង សីលធម៌ និង​ឧត្តមភាព។ មាត្រដ្ឋាននៃយុត្តិធម៌តំណាងឱ្យតុល្យភាព ការពិត និងយុត្តិធម៌រវាងបុគ្គល និងបុគ្គល បុគ្គល និងនីតិបុគ្គលនៅក្នុងសង្គមរុងរឿង និងអរិយធម៌ក្រោមការគ្រប់គ្រងរបស់រដ្ឋ។

ក្នុងនាមជាការិយាល័យច្បាប់ដែលបានចុះបញ្ជីនៅគណៈមេធាវី នៃព្រះរាជាណាចក្រកម្ពុជា “ពិស្សុត និង សហការី” មានមេធាវីជំនាញ និងមានបទពិសោធន៍ ដែលបានបម្រើអតិថិជនតាំងពីឆ្នាំ២០១៦។ យើងមានកេរ្តិ៍ឈ្មោះល្បីល្បាញជាអ្នកផ្តល់សេវាផ្នែកច្បាប់នៅក្នុងប្រទេសកម្ពុជា ជាមួយនឹងចក្ខុវិស័យច្បាស់លាស់សម្រាប់អតិថិជនទាំងក្នុងស្រុក និងក្រៅស្រុក ក្នុងវិស័យឯកជនជាច្រើនក្នុងប្រទេសកម្ពុជា។ ជាការពិតណាស់ សមាសភាពនៃ “ពិស្សុត និង សហការី” ត្រូវបានភ្ជាប់ដោយមេធាវី ទីប្រឹក្សាច្បាប់ និងជំនួយការផ្នែកច្បាប់ ដែលបានទទួលការបណ្តុះបណ្តាលយ៉ាងល្អ និងបានបញ្ចប់ការសិក្សាដោយជោគជ័យផ្នែកច្បាប់ក្នុងស្រុក និងការអនុវត្តពីបរទេស ដែលក្រុមការងារយើងមួយចំនួនបានសិក្សាមកពីប៉ែកអឺរ៉ុប។

សំខាន់ជាងនេះទៅទៀត ពួកយើងបាននឹងកំពុងផ្តល់សេវាកម្មផ្លូវច្បាប់ប្រកបដោយផ្លែផ្កា និងទទួលបានការទទួលស្គាល់ សម្រាប់អតិថិជនរបស់យើងក្នុងវិស័យឯកជនផ្សេងៗគ្នា ទាក់ទងនឹងការប្រឹក្សាផ្នែកច្បាប់ វិវាទ សាជីវកម្ម ការបង្កើតគម្រោង កិច្ចសន្យា ការងារ ពន្ធដារ ការទូទាត់ ការចុះបញ្ជីក្រុមហ៊ុន និងកិច្ចការច្បាប់ពាក់ព័ន្ធផ្សេងទៀត។
លើសពីសេវាច្បាប់ យើងបានរៀបចំ និងចូលរួមក្នុងសកម្មភាពសប្បុរសធម៌ជាមួយអាជ្ញាធរមូលដ្ឋាន និងវិស័យសាធារណៈ ក្នុងគោលបំណងចែករំលែកការស្ម័គ្រចិត្ត និងការដឹងគុណរបស់យើង ដើម្បីរួមចំណែកដល់សង្គមរបស់យើង។

យើងមានការប្តេជ្ញាចិត្តយ៉ាងមុតមាំ មានផែនការដែលបានតាក់តែងយ៉ាងល្អ និងមានចក្ខុវិស័យវែងឆ្ងាយ ជាមួយនឹងការទទួលខុសត្រូវខ្ពស់ក្នុងនាមជាអ្នកផ្តល់សេវាស្របច្បាប់ប្រកបដោយវិជ្ជាជីវៈ រក្សាការសម្ងាត់ និងស្តង់ដារ ក្នុងគោលបំណងផ្តល់សេវាកម្មប្រកបដោយប្រសិទ្ធភាពដល់អតិថិជនរបស់យើង។

ក្រុមការងាររបស់ ពិស្សុត និង សហការី កំពុងទន្ទឹងរង់ចាំធ្វើការជាមួយអ្នក។